Items filtered by date: Երեքշաբթի, 18 Հոկտեմբերի 2022

Վերահսկողության, վերլուծության և լիցենզավորման բաժնի գործառույթներն են՝

1) էներգետիկայի բնագավառում գործունեության լիցենզավորման հետ կապված աշխատանքների իրականացում,
2) խմելու ջրի ջրամատակարարման և ջրահեռացման (կեղտաջրերի մաքրման) ծառայությունների մատուցման ոլորտում լիցենզավորման հետ կապված աշխատանքների իրականացում,
3) հեռահաղորդակցության բնագավառում գործունեության լիցենզավորման, այդ թվում՝ հանրային էլեկտրոնային հաղորդակցության ցանցի լիցենզաների, ռադիոհաճախականությունների օգտագործման, սիրողական ռադիօպերատորների թույլտվությունների տրամադրման հետ կապված աշխատանքների իրականացում,
4) հեռուստատեսության և ռադիոյի բնագավառում գործունեության լիցենզավորման, մասնավորապես՝ աշխատակազմի համապատասխան բաժնի տված եզրակացության հիման վրա լիցենզիաների տրամադրման հետ կապված աշխատանքների իրականացում,
5) համապատասխան մարմիններին լիցենզիաների մասին տեղեկատվության տրամադրում,
6) հանձնաժողովի կողմից լիցենզավորված (թույլտվություններ ստացած) անձանց, ինչպես նաև հանձնաժողովի կողմից մենաշնորհ և գերիշխող դիրք ունեցող համարված տնտեսավարող սուբյեկտների հաշվառում,
7) պետական տուրքերի, ֆինանսական երաշխիքների, լիցենզային վճարների գանձման և հաշվառման, հանրային ծառայությունների կարգավորման և ռադիոհաճախականությունների օգտագործման պարտադիր վճարների հաշվարկման, գանձման և հաշվառման, ինչպես նաև նշված տուրքերի և վճարների մասով Արցախի Հանրապետության պետական բյուջե մուտքերի կանխատեսման ու հաշվետվությունների կազմման հետ կապված աշխատանքների իրականացում,
8) հանրային ծառայությունների կարգավորման պարտադիր վճար վճարողների անվանական կազմի, վճարների տարեկան դրույքաչափերի հաստատման և վճարողների հաշվառման հետ կապված աշխատանքների իրականացում,
9) խիստ և հատուկ հաշվառման փաստաթղթերի հաշվառման վարում,
10) էներգետիկայի բնագավառի լիցենզավորված անձանց միջև կնքված և էլեկտրական էներգիայի, բնական գազի ներկրման ու արտահանման պայմանագրերի գրանցում,
11) հանձնաժողովի որոշումների կատարման (պահպանման) նկատմամբ վերահսկողության հետ կապված աշխատանքների իրականացում,
12) ստուգումների, ուսումնասիրությունների, մոնիթորինգների և դիտանցումների գրաֆիկի կազմում և համաձայնեցում,
13) ստուգումների, ուսումնասիրությունների, մոնիթորինգների իրականացում աշխատակազմի համապատասխան ստորաբաժանման հետ համատեղ,
14) ստուգումների, ուսումնասիրությունների, մոնիթորինգների և դիտանցումների, այցելությունների հաշվառում` ըստ տեսակների և ոլորտների,
15) ստուգումների, ուսումնասիրությունների, մոնիթորինգների միջոցով կարգավորման օրենսդրության խախտման դեպքերի բացահայտում և գնահատում, դրանց վերաբերյալ առաջարկությունների ներկայացում,
16) աշխատակազմի կառուցվածային ստորաբաժանումների կողմից ներկայացված՝ կատարած աշխատանքների եռամսյակային հաշվետվությունների ամփոփում, արդյունքների վերաբերյալ առաջարկության ներկայացում,
17) հանձնաժողովի նախորդ տարվա գործունեության հաշվետվության կազմում,
18) կարգավորման իրավական դաշտի կատարելագործմանն ուղղված աշխատանքների իրականացում, առաջարկությունների ներկայացում՝ բաժնի լիազորությունների սահմաններում,
19) բաժնի գործառույթներից բխող իրավական ակտերի նախագծերի մշակում, վարչական վարույթների իրականացման և ընդունված ակտերի կատարման ապահովում, այլ փաստաթղթերի նախապատրաստում ու աշխատանքների իրականացում,
20) բաժնի կողմից նախապատրաստված իրավական ակտերի նախագծերի իրավական փորձաքննություն, գրությունների և այլ փաստաթղթերի վերաբերյալ իրավական եզրակացությունների ներկայացում,
21) բաժնի իրավասությունների սահմաններում հանձնաժողովի կարծիքին ներկայացված իրավական ակտերի և այլ փաստաթղթերի նախագծերի ուսումնասիրություն, դրանց վերաբերյալ եզրակացությունների ներկայացում,
22) ըստ անհրաժեշտության աշխատակազմի մյուս կառուցվածքային ստորաբաժանումների իրավական սպասարկում,
23) բաժնի գործառույթներից բխող այլ աշխատանքների իրականացում։

Վերահսկողության, վերլուծության և լիցենզավորման բաժին պետ` Ա. Սարգսյան

Հեռ. (047) 94-28-86

Անձնակազմի կառավարման բաժնի գործառույթներն են՝
1) Աշխատակիցների անձնական գործերի ստեղծում, հաշվառում և վարում,
2) Հանձնաժողովի աշխատակազմի կառուցվածքային, հաստիքային և քաղաքացիական ծառայության պաշտոնների անվանացանկի փոփոխությունների կատարման հետ կապված աշխատանքների իրականացում,
3) Քաղաքացիական ծառայության պաշտոնների անձնագրերի կազմման, համաձայնեցման և հաստատման հետ կապված աշխատանքների իրականացում,
4) Քաղաքացիական ծառայության թափուր պաշտոն զբաղեցնելու համար մրցույթների կազմակերպում և իրականացում,
5) Քաղաքացիական ծառայության դասային աստիճանների շնորհման հետ կապված աշխատանքների իրականացում,
6) Քաղաքացիական ծառայողների ատեստավորման և վերապատրաստման հետ կապված աշխատանքների կազմակերպում և իրականացում,
7) Ըստ անհրաժեշտության աշխատակազմի մյուս կառուցվածքային ստորաբաժանումների հետ համատեղ հանձնաժողովի իրավասությունը սահմանող ԱՀ օրենսդրության բնագավառի հարցաշարերի վերանայման հետ կապված աշխատանքների իրականացում,
8) Անձնակազմի վերաբերյալ հրամանների պատրաստում,
9) Աշխատանքային պայմանագրերի կնքման հետ կապված աշխատանքների իրականացում, համապատասխան գրանցամատյանի վարում,
10) Աշխատանքային կարգապահական ներքին կանոններին առնչվող գործառույթների իրականացում,
11) Ծառայողական քննության գործընթացի կազմակերպում,
12) Աշխատաժամանակի հաշվարկի տեղեկագրի վարում՝ աշխատակազմի կառուցվածքային ստորաբաժանումների ներկայացրած տվյալների հիման վրա,
13) Աշխատակիցների արձակուրդների ժամանակացույցի կազմում,
14) Աշխատակազմի աշխատակիցների աշխատանքային ստաժի հաշվարկի իրականացում և քաղաքացիական ծառայողների հիմնական աշխատավարձերի բնականոն աճի նկատմամբ վերահսկողություն,
15) Հանձնաժողովի աշխատակիցների մասին եռամսակային տեղեկությունների ներկայացում համապատասխան մարմին,
16) Հանձնաժողովի ոչ գաղտնի փաստաթղթաշրջանառության հետ կապված աշխատանքների իրականացում, այդ թվում՝ փաստաթղթերի ընդունում, ձևակերպում և պահպանություն, համապատասխան գրանցամատյանների վարում,
17) Մուտքագրված գրությունների ընթացքավորման հետ կապված ժամկետների պահպանման նկատմամբ հսկողություն,
18)Պաշտոնական տեղեկագրերի հետ կապված աշխատանքների իրականացում,
19) Բաժնի գործառույթներից բխող այլ աշխատանքների իրականացում։

      Անձնակազմի կառավարման բաժնի պետ՝          Ն. Ղարաբեկյան

      Հեռ.՝ (047) 94 -49-84

Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովի աշխատակազմի ՏՄՊ վարչության մասնագետների կողմից 2022թ. հոկտեմբերի 17-ին Ստեփանակերտ քաղաքում գործող 17 առևտրային օբյեկտներում 55 լայն սպառման ապրանքատեսակների դիտարկման արդյունքում, նախորդ դիտանցման (10.10.2022թ.) համեմատ, արձանագրվել է 13 ապրանքատեսակի միջին գների փոփոխություն` 3 գնաճ և 10 գնանկում (գների մոնիթորինգ):

Գերիշխող դիրք ունեցող տնտեսավարող սուբյեկտների կողմից իրացվող ապրանքատեսակների համար գնանկում արձանագրվել է ,Դիզվառելիքե 1լ՝ 10 դրամ (1,5 %) ապրանքային շուկայում:

* Ծանուցում՝ Հանձնաժողովի կողմից իրականացվող մոնիթորինգների հրապարակումը կատարվում է մանրածախ առևտրի ոլորտում մրցակցությունը խրախուսելու և նշված ապրանքատեսակների մանրածախ գների վերաբերյալ հանրության տեղեկացվածությունը ապահովելու նպատակով:

Հանրային ծառայությունների կարգավորման վարչությունը՝
կարգավորում է.
1)
ա) էներգետիկայի բնագավառը, որը ներառում է էլեկտրաէներգետիկական, ջերմամատակարարման, գազամատակարարման համակարգերը,
բ) ջրային համակարգը, որը ներառում է խմելու, ոռոգման, արդյունաբերական ջրի մատակարարումը, ջրահեռացումը և կեղտաջրերի մաքրումը,
գ) նշված ոլորտներին առնչվող սպառողների հետ կապված հարցերը,
դ) լիցենզավորման, ֆինանսական վերլուծության, մոնիթորինգի և հսկողության ենթաբաժնի հետ կապված հարցերը,
ե) տրանսպորտային միջոցների պարտադիր տեխնիկական զննության անցկացման բնագավառը` սակագների սահմանման և վերանայման մասով,
2) իրականացնում է սակագնային քաղաքականության համար համապատասխան վերլուծություններ,
3) պատասխանատվություն է կրում կարգավորվող ոլորտների կողմից ներկայացվող հաշվետվությունների տեղեկությունների և այլ պարտադիր պայմանների ժամանակին կատարման համար,
4) կազմում է վարչության տարեկան աշխատանքային ծրագիրը և ներկայացնում Աշխատակազմ,
5) վարչության կողմից իրականացված աշխատանքների հիման վրա ձևավորում է տեղեկատվական բազա,
6) իր լիազորությունների սահմաններում մասնակցում է ապրանքային շուկաների մրցակցային միջավայրի գնահատման համար համապատասխան վերլուծությունների իրականացմանը,
7) իր լիազորությունների սահմաններում մասնակցում է ապրանքային շուկաների ապրանքատեսակային և աշխարհագրական սահմանների որոշման հետ կապված աշխատանքների իրականացմանը,
8) նախապատրաստում է վերոնշյալ ոլորտներին առնչվող համապատասխան իրավական ակտերի նախագծեր,
9) անհրաժեշտության դեպքում ապահովում է բաժնի աշխատակցի մասնակցությունը Աշխատակազմի այլ կառուցվածքային ստորաբաժանումների կողմից կազմվող իրավական ակտերի նախագծերի մշակման, վարչական վարույթի հարուցման և իրականացման, օրենքով նախատեսված այլ գործառույթների իրականացման աշխատանքներին,
10) մշակում է «Հանրային ծառայությունները և տնտեսական մրցակցությունը կարգավորող մարմնի մասին» Լեռնային Ղարաբաղի Հանրապետության օրենքի դրույթներից բխող անհրաժեշտ մեթոդաբանությունը,
11) իրականացնում է կարգավորվող բնագավառների լիցենզիա ստանալու հայտերի ուսումնասիրությունը,
12) ապահովում է կարգավորվող բնագավառներում գործունեության իրականացման համար տրամադրվող լիցենզիաների (թույլտվությունների) նախագծերի պատրաստումը,
13) իրականացնում է լիցենզիայի (թույլտվության) հայտերի օրինականության ուսումնասիրությունը,
14) իրականացնում է մոնիթորինգ լիցենզավորված և (կամ) լիցենցավորման ենթակա ոլորտներում և կազմում համապատասխան եզրակացություններ,
15) մշակում է լիցենզիայի մաս կազմող լիցենզիայի պայմանները և պարբերաբար հսկողություն իրականացնում այդ պայմանների կատարման նկատմամբ,
16) անհրաժեշտության դեպքում պատրաստում է նյութեր Հանձնաժողովի հրապարակային, բացատրական աշխատանքներն իրականացնելու համար,
17) անհրաժեշտության դեպքում առաջարկություններ է ներկայացնում տնտեսական մրցակցությանն առնչվող իրավական ակտերի վերաբերյալ,
18) մասնակցում է Հանձնաժողովի գործունեության ծրագրի և հաշվետվության նախագծերի մշակմանը,
19) իր լիազորությունների սահմաններում ապահովում է վարչական վարույթի հարուցման և իրականացման աշխատանքների կատարումը,
20) իր լիազորությունների սահմաններում ապահովում է վարչության ներկայացուցչի մասնակցությունը ստուգումներին և ուսումնասիրություններին,
21) իրականացնում է օրենսդրությամբ և պաշտոնի անձնագրերով սահմանված այլ լիազորություններ:

Հանրային ծառայությունների կարգավորման վարչության պետ՝     Ա. Առաքելյան

Հեռ.  (047) 95-49-84