Հաստատվել է 110 կՎ լարմամբ էլեկտրական էներգիայի սակագին
- Բաժին ՆՈՐՈՒԹՅՈՒՆՆԵՐ
25 Նոյեմբերի 2015
ԼՂՀ հանրային ծառայությունները
և տնտեսական մրցակցությունը կարգավորող պետական հանձնաժողովի նախագահ Լևոն Մնացականյանի նախագահությամբ այսօր՝ նոյեմբերի 25–ինկայացել է հանձնաժողովի 14-րդնիստը: Քննարկվել է 110 կՎ լարմամբ սնվող սպառողներին վաճառվող էլեկտրական էներգիայի սակագնի հարցը: Շահագրգիռ կողմերի և պաշտոնական ներկայացուցիչների հետ սակագնի հաշվարկի մաս կազմող համապատասխան ցուցանիշների վերաբերյալ քննարկումների արդյունքում Հանձնաժողովի որոշմամբ «Արցախէներգո» ՓԲԸկողմից 110 կՎ լարմամբ սնվող սպառողներին վաճառվող էլեկտրական էներգիայի սակագինը սահմանվել է 36 դրամ/կՎտժ: Ինչպես նշեց Լևոն Մնացականյանը Հանձնաժողովն առաջին անգամ է հաստատում 110 կՎ լարմամբէլեկտրական էներգիայի սակագին, քանի որ մինչ այդ 110 կՎ լարմամբ էլեկտրաէներգիայի սպառող չկար: Այժմ նման անհրաժեշտությունը պայմանավորված է հանրապետությունում արդյունաբերության զարգացման և հանքավայրերի շահագործման հետ:
Նիստի օրակարգի հաջորդ հարցը վերաբերում էր հեռուստածրագրերի կաբելային հեռարձակմանը: Ղեկավարվելով ԼՂՀ-ում հեռուստատեսության և ռադիոյի ոլորտի զարգացման քաղաքականությամբ և «Հեռուստատեսության և ռադիոյի» մասին ԼՂՀ օրենքի դրույթներով՝ հայտարարվել է Ստեփանակերտ քաղաքի և միաժամանակ մեկ կամ մի քանի շրջանների տարածքում ընդհանուր ուղղվածության հեռուստածրագրերի կաբելային (լարային) հեռարձակման (վերահեռարձակման) լիցենզավորման մրցույթ:
Հանձնաժողովը բավարարել է «Բեյզ Մեթըլս» ՓԲԸ-ի ներկայացրած հայտը և տրամադրել 446.010 ՄՀց հաղորդման/ընդունման ռադիոհաճախականության օգտագործման թույլտվություն՝ ԼՂՀ Մարտակերտի շրջանի Վարդաձոր և Ճանկաթաղ համայնքների տարածքում շարժական ռադիոկապի ցանցի կազմակերպման համար:
Ամփոփվելեն ‹‹Ոսպ››, ‹‹Բրինձ›› և ‹‹Ձեթ›› ապրանքային շուկաների կառուցվածքների ուսումնասիրության արդյունքները: Հանձնաժողովը որոշում էընդունել «Ռեյփսիդ» սահմանափակ պատասխանատվությամբ ընկերությանը «Ձեթ» ապրանքային շուկայում գերիշխող ճանաչելու մասին (որպես ձեռքբերող ձեռքբերման ծավալներով գրավում է տվյալ շուկայի մեկ չորրորդից ավելին` 48.8%-ը):
Նիստում հաստատվելէ նաև Հանձնաժողովի 2016 թվականի գործունեության ծրագիրը: