Ծաղիկների շրջանառության ոլորտում ուսումնասիրություն իրականացնելու մասին
- Բաժին ՀԱՅՏԱՐԱՐՈՒԹՅՈՒՆՆԵՐ
29 Հունվարի 2021
Արցախի Հանրապետության հանրային ծառայությունները և տնտեսական մրցակցությունը կարգավորող պետական հանձնաժողովը(այսուհետ՝ Հանձնաժողով) 29.01.2021 թվականին կայացած նիստում որոշել է ծաղիկների շրջանառության ոլորտում իրականացնել ուսումնասիրություն: Հանձնաժողովը պարբերաբար ուսումնասիրություններ է իրականացնում լայն սպառում ունեցող պարենային և ոչ պարենային ապրանքային շուկաներում, ինչպես նաև տնտեսության այն ոլորտներում, որոնց վերաբերյալ հասարակության կողմից պարբերաբար մտահոգություններ են բարձրացվում:
Ուսումնասիրությունների ընթացքում վերլուծության կենթարկվի՝
● Շուկայի կառուցվածքը,
● Գործող տնտեսավարող սուբյեկտների մասնաբաժինները,
● Մրցակցային իրավիճակը և առկա խնդիրները,
● Մրցակցային օրենսդրության հնարավոր խախտման հատկանիշները,
●Հետպատերազմյան ժամանակահատվածում տեղի ունեցած գնային փոփոխությունների և գործող գների հիմնավորվածությունը: