«Բենզին» և «Դիզվառելիք» ապրանքային շուկաներում ուսումնասիրություն իրականացնելու մասին
- Բաժին ՀԱՅՏԱՐԱՐՈՒԹՅՈՒՆՆԵՐ
29 Հունվարի 2021
Արցախի Հանրապետության հանրային ծառայությունները և տնտեսական մրցակցությունը կարգավորող պետական
հանձնաժողովը (այսուհետ՝ Հանձնաժողով) 29.01.2021թվականին կայացած նիստում որոշել է «Բենզին» և «Դիզվառելիք» ապրանքային շուկաներում իրականացնել ուսումնասիրություն:
Հանձնաժողովը պարբերաբար ուսումնասիրություններ է իրականացնում լայն սպառում ունեցող պարենային և ոչ պարենային ապրանքային շուկաներում, ինչպես նաև տնտեսության այն ոլորտներում, որոնցում առկա են բարձր կենտրոնացվածություն և մրցակցության սահմանափակման հնարավոր ռիսկեր: Նման ապրանքային շուկաներից են «Բենզին» և «Դիզվառելիք» ապրանքային շուկաները, քանի որ Հանձնաժողովի նախորդ ուսումնասիրությունների համաձայն այստեղ առկա են գերիշխող դիրք ունեցող տնտեսավարող սուբյեկտներ:
Ուսումնասիրությունների ընթացքում վերլուծության կենթարկվի՝
●Շուկաների կառուցվածքը,
●Գործող տնտեսավարող սուբյեկտների մասնաբաժինները,
●Մրցակցային իրավիճակը և առկա խնդիրները,
●Մրցակցային օրենսդրության հնարավոր խախտման հատկանիշները,
●ՀՀ-ում և ԱՀ-ում գործող գների տարբերության հիմնավորվածությունը: