«Հնդկաձավար»,«Կարագ», «Շաքարավազ» ապրանքային շուկաների ուսումնասիրության ամփոփում
- Բաժին Մոնիթորինգ
27 Մայիսի 2015
ԼՂՀ ՀԾՏՄԿՊ հանձնաժողովը մայիսի 27-ի նիստում քննարկելով «Վիկտորիա» սահմանափակ պատասխանատվությամբ ընկերության 2015 թվականի ապրիլի 21-ի դիմումը՝ որոշվեց ուժը կորցրած ճանաչել 2009 թվականի հուլիսի 17-ի թիվ 45Ա որոշմամբ «Վիկտորիա» ՍՊԸ-ին տրամադրված N0010 թույլտվությունը և ընկերության կողմից ԼՂՀ տարածքում ռադիոկապի ցանցի (շարժական) կազմակերպման համար 156.150ՄՀց հաղորդման/ ընդունման ռադիոհաճախականության օգտագործման թույլտվության պայմանները:
Նիստում ներկայացվեց «Հնդկաձավար», «Կարագ», «Շաքարավազ» ապրանքային շուկաների կառուցվածքի ուսումնասիրության արդյունքները: «Հնդկաձավար», «Կարագ» ապրանքային շուկաներն ունեն ցածր, «Շաքարավազ» ապրանքային շուկան միջին կենտրոնացվածության աստիճան, գերիշխող դիրք ունեցող տնտեսավարող սուբյեկտներ չկան:
Նիստի ավարտին հանձնաժողովի նախագահ Լ. Մնացականյանը տեղեկացրեց, որ ելնելով սպառողների շահերի պաշտպանության և տնտեսավարող սուբյեկտների միջև ազատ տնտեսական մրցակցության խրախուսման նպատակներից՝ այսուհետ շաբաթական կհրապարակվի Ստեփանակերտ քաղաքում համեմատաբար էժան և մեծ պահանջարկ ունեցող 10 խանութներում գործող առաջին անհրաժեշտության 20 ապրանքատեսակների մանրածախ գների վերաբերյալ տեղեկություններ:
Last modified onՈւրբաթ, 21 Հոկտեմբերի 2022 14:54