Իրականացրած մոնիթորինգների արդյունքների վերաբերյալ
- Բաժին Մոնիթորինգ
| 03 Ապրիլի 2018 |
 ԼՂՀ հանրային ծառայությունները և տնտեսական մրցակցությունը կարգավորող պետական հանձնաժողովի աշխատակազմի աշխատողների կողմից 2018 թվականի մարտի 19-ից մարտի 30-ը իրականացվել են ամենօրյա դիտանցումներ Ստեփանակերտ քաղաքում գործող «Հաղթանակ», «Պրոդ մարկետ», «Ռոյալ», «Օկեան», «Կարս», «Ռեզոն», «Դավ Գրուպ», «Սևան», «Նատալի գրուպ», «Տեխնոթրայդ» (2 առևտրային օբյեկտ), «Նադեժդա», «Նավ», «Կամ», «Գուրման մարկետ», «Էրիկ Արա», «Էլիտ գրուպ», «Պետրոլ սերվիս» և «Ֆլեշ» սահմանափակ պատասխանատվությամբ «Կապիտալ» (2 առևտրային օբյեկտ) և «Յագուար» փակ բաժնետիրական ընկերություններին «Լենա Գաբրիելյան», «Սրբուհի Ստեփանյան», «Բորիկ Ներսիսյան», «Լեսմոնյա Հարությունյան», «Կարինե Մարտիրոսյան», «Անդրանիկ Գրիգորյան», «Գագիկ Միքայելյան» և «Գագիկ Արտաշյան» անհատ ձեռնարկատերերին պատկանող առևտրային օբյեկտներում առաջին անհրաժեշտության ապրանքների մանրածախ գների ուսումնասիրման նպատակով: Դիտանցման ընթացքում ուսումնասիրվել են առաջին անհրաժեշտության 43 ապրանքային շուկաներում առկա 80 ապրանքատեսակների մանրածախ գները:
2018 թվականի մարտի 19-ից մինչև մարտի 30-ը ուսումնասիրվող 80 ապրանքատեսակներից 14-ի գները նվազել են, 5-ի գները` աճել, իսկ 61 ապրանքատեսակների գները մնացել են անփոփոխ:
2018 թվականի մարտի 19-ից մինչև մարտի 30-ը միջին գների բարձրացում արձանագրվել է՝ «Ավեդով» ձեթ՝ 0.97% , «Զոլոտայա սեմեչկա» ձեթ՝ 0.42%, «Դոյարուշկա» կարագ՝ 0.28%, «Ակբար» թեյ՝ 0.3%, «Ահմադ» թեյ՝ 0.24%, ապրանքատեսակների միջին գների համար:
Նույն ժամանակահատվածում միջին գների նվազում արձանագրվել է՝ «Բաղրամյան» ալյուր` 1.14%, «Շաքարավազ»՝ 0.98%, «Չանախ» պանիր`0.6%, «Յուղ Ռեդդի»`0.67%, «Հնդկաձավար»` 0.84%, «Ոսպ»՝ 1.16%, «Ոլոռ»՝ 3.15%, «Վարունգ» 7.16%, «Լոլիկ»՝ 1.16%, «Խնձոր»՝ 8.6%, «Հավի ձու»՝ 2.43%, «Խոզի միս»` 2.0%, «Տավարի միս»` 2.18%, և «Հաղթանակ» գինի 0.16% ապրանքատեսակների միջին գների համար:
Տեղի ունեցած գնային տատանումները կապված են ապրանքների ձեռքբերման գների փոփոխության և մանրածախ առևտրի ոլորտում գործող սուբյեկտների կողմից իրականացվող գնային քաղաքականության հետ:
Գնաճ արձանագրված ապրանքային շուկաներում բացակայում են գերիշխող դիրքի չարաշահման` մասնավորապես չհիմնավորված գների կիրառման հնարավոր դեպքեր:
|
Last modified onՀինգշաբթի, 06 Հոկտեմբերի 2022 17:36